بلدنا مره مره الوحيده الى فيها السياسه مُحرمه
الدوله الوحيده تجهل فيها القانون الحاكم يحكم فيك وتحتو مال غارفون
معليش اصلو المال السايب يبعلم السرقه كيزان ولا اولاد كلاب كلكم نفس من نفس الفرقه
اليوم الشعب جرب يقول كلامو ....بالحريه باعلى صوت نادى بكل اطيافو
وطنا الغالى لازم نعيد امجادو ....ونتطير ونقلع اشبهاه حكامو
طلعنا فى الشارع قلنا يسقط النظام ...البوليس ماصدقت ضرب ليك بى المتراك
يابوليس كيف تقدر تضرب اولاد بلادك... الشعب فيو امك وابوك وكمان اصحابك واخونك
بالغاز خنقونا وقنابل الصوت صنونا ... وفى الاحباس رمونا وبين 4 حيطنا فقلونا وفى المُعتقلات شدونا
كفاينا ظلم وقهر واستقلال .. خلاص فدينا من حاجه اسمها وعود وانجازات
بطاله وعطاله بالالوف والميات ...الشعب كلو هجه وساب ليكم البلاد
لاشغل ولا اهتمام ولارعايه ولاضمان... ده كلو عشان ماكنا من الكيزان
مشاريع وهميه ووعود فلكيه ...كل يوم سامعين بيها فى الصحف اليوميه
اعلام العار يصور لينا الحال انو ولافى الاحلام....اعلام عندو اجنده ماكل شى بيتصور ويتقال
يصورنا على انو عايشين عيشه كلاس ... الحقيقه انو فى ناس مالاقيه حق العلاج
المغترب يشوف الحال فى TV يصدق البيتقال.... بس مايرجع يلقه رحلو ذى كانو فى الصومال
ياحكومه حرام عليك حنى عينا شويه ... نحنا اولاد شعبك الى انتخبناك قبل شويه
بلاش حروب بلاش وعود ....امنعو الفساد وقدرو لينا الضروف
انا جاى بس اقول ليك رساله .... واحد من الشباب الخايف على البلاد
قديت من الوضع وزهجته كمان ...مخنوق معصم وماعارف ايش اقول
مطلبنا بسيط كان هو الحريه ...مساوه بين افراد الشعب ذى البقيه
فى النهايه دى مجرد وصيه ... وياريت ماتكون رساله وهيمه
